بسم ا لله ا لرحمن ا لرحيم
وإنك لعلى خلق عظيم
 (سورة القلم – ٤- آية)

Allah taala Quranı káriymde: «Álbette, sen ullı minez-qulıqtasań!» -dep marhamat qılǵan. «Ullı minez-qulıq»tıń mánileri haqqında túrli táfsirler bar. Birinshi náwbette qulıq bul jerde óziniń negizgi mánisinde qollanılǵanı maqul. Hádiste Rasulullah (a.s.): «Men ádep-ikramlılıqtı kámiline jetkiziw ushın kelgenmen», – degen. Haqıyqatında da, Muhammad sallallahu alayhi wa sallam birinshi dárejedegi kámil insan ekenligine hasla shubha joq.
Basqasha táfsir qılıwshılar bul ayattaǵı «ullı minez-qulıq»tı Quran yamasa ullı din, yaǵnıy islam dini dep túsindiriwge háreket etken.